Embedded Files
Author - Dr. Ye Linn : Read: English Version
ဖောက်သည်များအတွက်နားထောင်ခြင်းအနုပညာ 🎧
နားထောင်ခြင်းဟာ စကားပြောခြင်းထက် ပိုပြီးအရေးကြီးတယ်
ဖောက်သည်တိုင်းဟာ သူတို့ဆီမှာ ရှိနေတဲ့ အခက်အခဲတွေကို ပြောတဲ့နေရာမှာ သူတို့ရဲ့ စကားကို အမှန်တကယ်နားထောင်ပေးတဲ့သူကို ရှာဖွေနေကြတာပါ။ နားထောင်ခြင်းဟာ ဖောက်သည်နဲ့ သင့်လုပ်ငန်းကြားက ယုံကြည်မှုတံတား ကို ကောင်းမွန်စွာ ဆောက်ပေးနိုင်ပါတယ်။
ထိရောက်တဲ့ နားထောင်ခြင်း (၅) မျိုး
မျက်လုံးချင်းဆုံပြီး နားထောင်ပါ 👀
ဖောက်သည်တွေနဲ့ စကားပြောတဲ့အခါ တစ်ခြားအရာတွေက ဘယ်လောက်ပဲ အရေးကြီးကြီး ခေါင်းထဲမထည့်ပဲ သူတို့ရဲ့ စကားကို သေချာနားထောင်းတဲ့ ပုံစံမျိုးနဲ့ မျက်လုံးချင်းဆုံပြီး နားထောင်ပါ။ Boss က ဖုန်းခေါ်လို့ပဲ ဖြစ်ဖြစ်၊ ဖောက်သည် နောက်တစ်ဦးက အရေးတကြီး Message လာတာပဲ ဖြစ်ဖြစ်၊ ကိုပျာယာ, မပျာယာ မဖြစ်ပဲ တည်ငြိမ်စွာ အလေးအနက်ထား နားထောင်စေချင်ပါတယ်။ ဖောက်သည်နဲ့စကားပြောတဲ့အခါ ဖုန်းကြည့်တာ၊ အခြားအလုပ်လုပ်တာတွေ ရှောင်ပါ။
ဖောက်သည်နဲ့ စကားပြောနေချိန်မှာ ခေါင်းညိတ်ပြီး "ဆက်ပြောပါ" လို့ ပြောပေးခြင်းက အာရုံစိုက်ကြောင်းပြတာပါ။
စကားမပြတ်ခင် မဖြတ်ပါနဲ့ ⏸️
ကျွန်တော် Consultant အလုပ်အတွေ့အကြုံအရ... ကျွန်တော်တွေ့ကြုံဖူးတဲ့ အဖြစ်အပျက်လေးကို ဆွေးနွေးပေးပါမယ်။
စိတ်လောတဲ့ လုပ်ငန်းရှင်များနှင့် မန်နေဂျာ တစ်ချို့ကို တွေ့ဖူးပါတယ်။
Customer များက သူတို့ရဲ့ ခံစားနေရတဲ့ အဖြစ်အပျက်တစ်ခု၊ Complain တစ်ခုကို ပြောနေတုန်း စကားမပြီးသေးပဲ “ကျွန်တော်တို့ လုပ်ပေးပါ့မယ်။ အဆင်ပြေသွားမှာပါ” စသည်ဖြင့် စိတ်လောပြီး အဖြေတန်းတာတွေ တွေ့ကြုံဖူးပါတယ်။ ဒါက လူတွေမှာ အမှားတစ်ခုကြောင့် ဖြစ်ပေါ်တတ်တဲ့ anxity ကို တုန်ပြန်တဲ့နည်း တစ်မျိုးပါ။ သူတို့ရဲ့ အမှားကို မြန်မြန် ဖြေရှင်ချင်တဲ့ ဇောက အမှားတစ်ခု ထပ်ပြီး ဖြစ်လာတာပါ။ ဖောက်သည်စကားပြောမပြီးမချင်း အဖြေတန်း မပြောပါနဲ့။
ဖောက်သည်က "ဒီဝန်ဆောင်မှုက..." လို့စပြောတာနဲ့ "အမြန်ပြင်ပေးပါ့မယ်" ဆိုပြီး မဆုံးဖြတ်လိုက်ပါနဲ့။
ခံစားချက်ကို အသိအမှတ်ပြုပါ ❤️
လူအတော်များများက သူတို့ရဲ့ ခံစားချက်ကို နာလည်းတဲ့ သူကို သဘောကျတာဟာ ဓမ္မတာပါ။ ဖောက်သည်တွေရဲ့ ခံစားချက်က Organisation အတွင်းမှာ ရှိနေတဲ့သူတွေရဲ့ ခံစားချက်နဲ့ တစ်သက်မှတ်တည်း တူညီကြောင်းပြသဖို့ လိုပါတယ်။ လူတော်တော်များများက ခံစားချက်တူတဲ့လူတွေနဲ့ အပေါင်းအသင်းလုပ်ပြီး စကားပြောချင်ကြလို့ပဲ ဖြစ်ပါတယ်။ "ဒီကိစ္စက ခင်ဗျားအတွက် စိတ်ပျက်စရာပဲ" ဆိုပြီး သူတို့ရဲ့ ခံစားချက်ကို နားလည်ကြောင်းပြသပါ။
ဖောက်သည်က စိတ်ဆိုးနေရင် "ခင်ဗျား စိတ်ဆိုးတာ ကျွန်တော် နားလည်ပါတယ်" လို့ ပြောပြီးဝန်ခံလိုက်ပါ။ ဒါမှ စိတ်ဆိုးနေတဲ့ ဖောက်သည်ရဲ့ Emotional Tempo ကျသွားပါလိမ့်မယ်။
ပြန်လည်အတည်ပြုပါ 🔁
ဖောက်သည်က ပြောတဲ့ စကားတွေကို ပြန်လည် အတည်ပြုဖို့ ဘယ်တော့မှ မမေ့ပါနဲ့။
“မိတ်ဆွေ ဆိုလိုချင်တာ ..... ဒါလား”
"ဒါဆိုရင် ခင်ဗျားပြောတာက ..... ဆိုတာမှန်လား?" ဆိုပြီး သူတို့ပြောတာကို ပြန်ချုံ့ပြီး အတည်ပြုပါ။
ဖောက်သည်က ရှည်လျားစွာပြောပြီးတဲ့နောက် "ဒါဆို ခင်ဗျားပြောတဲ့ အဓိကပြဿနာက XYZ ပါနော်" လို့ အတည်ပြုပါ။
မေးခွန်းတွေ မေးပါ ❓
တစ်ချို့ ဖောက်သည်တွေက သူတို့ရဲ့ ခံစားချက်၊ တကယ် ဖြစ်နေတဲ့ ပြဿနာ ကို မပြောပြတတ်ပါဘူး။ သူတို့ရဲ့ လျှိုဝှက်ထားမှုကြောင့်လည်း ဖြစ်တတ်ပါတယ်။ ဒါကြောင့်မို့ ပြဿနာ အရင်းခံကို သိရှိဖို့ အတွက် မေးခွန်းများကို မေးတတ်ဖို့လိုပါတယ်။
Personal / Business Coaching လုပ်တဲ့အခါမှာ သူတို့ကို သူတို့ အဖြေသိလာအောင် မေးခွန်းမေးတတ်ခြင်းက သူတို့ကို ကူညီရာရောက်ပါတယ်။
"ဘာကြောင့် ဒီလိုခံစားရတာလဲ?"
"ဘယ်လိုပိုကောင်းအောင် လုပ်ရင် ခင်ဗျာ အနေနဲ့ အဆင်ပြေမလဲ?" ဆိုတဲ့ မေးခွန်းတွေနဲ့ နက်ရှိုင်းတဲ့ အကြောင်းရင်းကို ရှာဖွေပြီး ပူးပေါင်းဆောင်ရွက်ပါက အောင်မြင်မှုများ ရရှိနိုင်ပါတယ်။
Banking Service တစ်ခုမှာ ပိုက်ဆံ ထုတ်ဖို့ အချိန််အကြားကြီး စောင့်နေရတယ် ဆိုပါစို့။
ဖောက်သည်က ဒီလိုပြောလာမယ်။ "ခင်ဗျာတို့ ဝန်ဆောင်မှုအရမ်းနှေးတယ်" ဒါဆို မိတ်ဆွေ ပြန်မေးရမှာက "ဘယ်အဆင့်မှာ အချိန်ကြာနေတာလဲ?" လို့ ဆက်မေးပါ။
ဒါဆိုရင် မိတ်ဆွေရဲ့ လုပ်ငန်းဝန်ဆောင်မှုက ဘယ်နေရာမှာ အားနည်းနေတာဆိုတာကို ရှင်းရှင်းလင်းလင်း သိသွားပါလိမ့်မယ်။
နားထောင်ခြင်းရဲ့ စွမ်းအား
✅ ဖောက်သည်ယုံကြည်မှု – သင်နားထောင်ပေးတာကို သိရင် ဖောက်သည်က သင့်ကိုပိုပြီးယုံကြည်လာမယ်။
✅ ပြဿနာရင်းမြစ် – ဖောက်သည်ရဲ့ မပြောပြတဲ့ လိုအပ်ချက်ကို သိနိုင်မယ်။
✅ ဖောက်သည်သစ္စာတရား – နားလည်မှုပေးတဲ့ ကုမ္ပဏီကို ဖောက်သည်တွေ ပြန်လာမယ်။
လက်တွေ့ဘဝမှာ ဘယ်လိုလေ့ကျင့်မလဲ?
မိသားစု/သူငယ်ချင်းတွေနဲ့ စပြီးလေ့ကျင့်ပါ – သူတို့စကားကို နားထောင်ရင်း ကိုယ့်အပြုအမူကို သတိထားပါ။
ဖုန်းကို ဘေးချထားပါ – တစ်ယောက်ယောက်နဲ့စကားပြောတဲ့အခါ ဖုန်းကို လုံးဝမကိုင်ပါနဲ့။ မှောက်သာထားလိုက်ပါ။
မျက်လုံးချင်းဆုံပါ – စကားပြောတဲ့အခါ မျက်လုံးချင် ဆုံပြီးပြောပါ။ ဒါပေမယ့် စူးရဲတဲ့ အကြည်မျိုးရှောင်ပါ။
"ဖောက်သည်တွေကို နားထောင်ဖို့ အချိန်ပေးပါ။ သူတို့ရဲ့ အသံတွေထဲမှာ သင့်လုပ်ငန်းအောင်မြင်မှုရဲ့ လျှို့ဝှက်ချက်တွေ ရှိနေပါတယ်"
Dr. Ye Linn
Head of Academic, Regal Crown School of Business and Leadership
Business Consultant and Professional Trainer
Page updated
Google Sites
Report abuse